ریاض میں ماحولیاتی قوانین کی خلاف ورزی پر شہری گرفتار

خصوصی فورس برائے ماحولیاتی تحفظ نے ایک شہری کو امام عبدالعزیز بن محمد ریزرو، ریاض میں ممنوعہ مقامات پر 30 اونٹ چرانے پر ماحولیاتی قوانین کی خلاف ورزی کے الزام میں گرفتار کیا ہے۔

فورس کے مطابق، خلاف ورزی کرنے والے شخص کے خلاف رائج قوانین کے مطابق کارروائی کی گئی ہے۔

بیان میں کہا گیا کہ ممنوعہ علاقوں میں اونٹ چرانے پر ہر اونٹ کے حساب سے 500 سعودی ریال جرمانہ عائد کیا جا سکتا ہے۔

خصوصی فورس نے شہریوں اور مقیم افراد سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 پر اور باقی علاقوں میں 999 یا 996 پر دیں۔

فورس نے یقین دہانی کرائی کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔