الجوف میں 2 لاکھ 45 ہزار سے زائد ایمفیٹامین گولیاں اسمگل کرنے کی کوشش ناکام

حرس حدود کی بری گشتی ٹیموں نے الجوف کے العیسویہ سیکٹر میں 2 لاکھ 45 ہزار 625 ایمفیٹامین نشہ آور گولیاں اسمگل کرنے کی کوشش ناکام بنا دی۔

ادارے نے اپنے سرکاری ایکس اکاؤنٹ پر جاری بیان میں بتایا کہ ابتدائی قانونی کارروائی مکمل کر کے ضبط شدہ گولیاں متعلقہ ادارے کے حوالے کر دی گئی ہیں۔

سکیورٹی حکام نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی اطلاع کے لیے مکہ مکرمہ، ریاض اور مشرقی ریجن میں 911 اور مملکت کے دیگر علاقوں میں 999 پر رابطہ کریں، یا جنرل ڈائریکٹوریٹ آف نارکوٹکس کنٹرول کے نمبر 995 یا ای میل [email protected] پر اطلاع دیں۔