ابشر پر کل سے منفرد نمبر پلیٹس کا آن لائن نیلامی آغاز

سعودی محکمہ ٹریفک کل اتوار سے ابشر پلیٹ فارم پر منفرد نمبر پلیٹس کی آن لائن نیلامی کا آغاز کر رہا ہے۔ اس نیلامی میں دلچسپی رکھنے والے افراد شرکت کر سکتے ہیں اور تمام مراحل الیکٹرانک طریقے سے مکمل کیے جا سکیں گے۔

محکمہ ٹریفک نے اس سروس میں داخلے کے طریقہ کار کی وضاحت کی ہے۔ صارف سب سے پہلے ابشر پلیٹ فارم کھولے، پھر 'میری خدمات' منتخب کرے، اس کے بعد 'ٹریفک' اور پھر 'آن لائن نمبر پلیٹس نیلامی' کی سروس تک پہنچے۔

سروس میں داخل ہونے کے بعد صارف اپنی گاڑی کی نمبر پلیٹس کی قسم منتخب کرے گا، جس کے بعد اس کے سامنے دستیاب پلیٹس ظاہر ہو جائیں گی جن پر وہ آن لائن بولی لگا سکتا ہے۔

ایکس پر اصل پوسٹ دیکھیں

یہ نیلامی ابشر پلیٹ فارم کی ان الیکٹرانک خدمات میں شامل ہے جو منفرد نمبر پلیٹس پر بولی لگانے کے خواہشمند افراد کے لیے فراہم کی گئی ہیں، تاکہ وہ تمام مراحل آن لائن مکمل کر سکیں۔