مدینہ منورہ میں 'وطن بلا مخالف' نمائش کا انعقاد

سعودی بارڈر گارڈز کے زیر اہتمام آج مدینہ منورہ ریجن کے ینبع میں واقع الدانہ مال میں 'وطن بلا مخالف' نمائش کا آغاز ہوا۔ اس نمائش کا مقصد سرحدی قوانین کی اہمیت اور ان کی خلاف ورزیوں کی اطلاع دینے کے حوالے سے شعور بیدار کرنا ہے۔ یہ نمائش سات نومبر تک جاری رہے گی۔

یہ نمائش وزارت داخلہ کی 'وطن بلا مخالف' مہم کے تحت سکیورٹی اداروں کے تعاون سے منعقد کی گئی ہے، جس میں سرحدی قوانین، ان کی خلاف ورزی میں ملوث افراد کو مملکت میں داخل ہونے یا اندرون ملک نقل و حرکت میں مدد دینے، پناہ دینے یا کسی بھی قسم کی سہولت فراہم کرنے پر عائد سزاؤں سے آگاہ کیا جا رہا ہے۔

بارڈر گارڈز نے شہریوں اور مقیمین سے اپیل کی ہے کہ وہ سرحدی قوانین کی خلاف ورزی کرنے والوں کی اطلاع دینے کے لیے مکہ مکرمہ، مدینہ منورہ، ریاض اور مشرقی ریجن میں (911) اور مملکت کے دیگر علاقوں میں (994) یا (999) پر رابطہ کریں۔