جازان: 5 غیرملکی افراد 100 کلوگرام نشہ آور قات اسمگل کرتے گرفتار

جازان ریجن کے الدائر سیکٹر میں بارڈر گارڈز کی زمینی گشتی ٹیموں نے سرحدی سکیورٹی قوانین کی خلاف ورزی کرنے والے ایتھوپیا اور یمن کی شہریت رکھنے والے 5 افراد کو 100 کلوگرام نشہ آور قات اسمگل کرنے کے الزام میں گرفتار کر لیا۔

ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے۔

تغریدہ X پر دیکھیں

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، ریاض اور مشرقی ریجن میں 911، دیگر علاقوں میں 999، جنرل ڈائریکٹوریٹ آف نارکوٹکس کنٹرول کی ہیلپ لائن 995 یا ای میل [email protected] پر رابطہ کریں۔ تمام اطلاعات مکمل رازداری کے ساتھ نمٹائی جائیں گی۔