جازان میں موسلا دھار بارش اور تیز ہواؤں کی پیش گوئی

قومی مرکز برائے موسمیات نے پیر کے روز جازان ریجن میں درمیانے سے موسلا دھار بارش کی پیش گوئی کرتے ہوئے خبردار کیا ہے کہ اس کے ساتھ تیز رفتار ہوائیں، افقی حد نگاہ میں نمایاں کمی، ژالہ باری، سیلابی ریلے اور گرج چمک کے امکانات بھی موجود ہیں۔

مرکز کے مطابق یہ موسمی صورتحال جازان شہر سمیت الحرث، الدائر (بنی مالک)، الریث، العارضہ، العیدابی، فیفا، ہروب، الطوال، صامطہ، احد المسارحہ، ابو عریش، ضمد، صبیا، الدرب، بیش کے علاوہ الفطیحہ مرکز اور جزیرہ فرسان میں بھی متوقع ہے۔

مرکز نے مزید بتایا کہ یہ موسمی کیفیت، اللہ کے حکم سے، آج شام آٹھ بجے تک جاری رہ سکتی ہے۔