سعودی عرب: معذور افراد کی پارکنگ میں گاڑیاں کھڑی کرنے پر 2169 گاڑیاں ضبط

سعودی محکمہ ٹریفک نے ملک کے مختلف علاقوں میں معذور افراد کے لیے مخصوص پارکنگ میں غیر قانونی طور پر کھڑی 2169 گاڑیاں ضبط کر لی ہیں۔ یہ کارروائی ایک مہم کے تحت کی گئی جس کا مقصد ٹریفک قوانین کی خلاف ورزیوں کو روکنا اور معذور افراد کے لیے مخصوص مقامات کا تحفظ کرنا ہے۔

محکمہ ٹریفک نے اپنے سرکاری ایکس اکاؤنٹ پر وضاحت کی کہ یہ مہم ملک بھر میں ٹریفک حکام کی جانب سے جاری کوششوں کا حصہ ہے، جس میں ان گاڑیوں کو بھی نشانہ بنایا گیا جو معذور افراد کے لیے مخصوص پارکنگ کا ناجائز استعمال کرتی ہیں۔

محکمہ ٹریفک نے ڈرائیوروں سے اپیل کی ہے کہ وہ ٹریفک قوانین کی پابندی کریں اور معذور افراد کے لیے مخصوص پارکنگ استعمال نہ کریں، تاکہ اصل مستحقین ان سہولیات سے فائدہ اٹھا سکیں۔

اعرض التغريدة على منصة X