سعودی عرب کی جانب سے فلپائن زلزلہ متاثرین کیلئے امدادی سامان

آج مرکزِ شاہ سلمان برائے امداد و انسانی خدمات نے مانیلا میں خادم الحرمین الشریفین کے سفارت خانے میں فلپائن کی وزارت سماجی بہبود و ترقی کے ڈیزاسٹر رسپانس آفس کے تعاون سے زلزلہ متاثرین کی امداد کے لیے معاہدہ کیا ہے، جس سے تقریباً 1 لاکھ 20 ہزار افراد مستفید ہوں گے۔

مرکز نے اپنے ایکس اکاؤنٹ پر بتایا کہ اس معاہدے کے تحت 15 ہزار 500 ذاتی نگہداشت کی کٹس، 15 ہزار 500 رہائشی کٹس اور 150 موبائل بیت الخلا فراہم کیے جائیں گے۔ یہ امداد متاثرین کے کیمپوں میں خوسے آباد سانتوس اور مالیتا کی بلدیات، سرگانی، جنوبی کوتاباتو، سلطان قدرات، جنرل سانتوس سٹی اور بنگسامورو ریجن میں تقسیم کی جائے گی۔

یہ اقدام مملکت کی جانب سے مرکز شاہ سلمان کے ذریعے دنیا بھر میں قدرتی آفات اور بحرانوں سے متاثرہ افراد کی مدد اور ان کی بنیادی ضروریات پوری کرنے کی انسانی و امدادی کوششوں کا حصہ ہے۔

اعرض التغريدة على منصة X