موسمی صورتحال: شہریوں کو احتیاط کی ہدایت

سعودی محکمہ دفاعِ مدنی نے شہریوں کو ہدایت کی ہے کہ وہ مکہ مکرمہ، الجوف، تبوک، شمالی حدود، جازان اور عسیر میں جاری موسمی صورتحال کے پیش نظر احتیاط اور حفاظتی تدابیر اختیار کریں۔ یہ انتباہ قومی مرکز برائے موسمیات کی جانب سے جاری کردہ 'ریڈ الرٹ' کے بعد جاری کیا گیا ہے۔

محکمہ نے اپنے سرکاری ایکس اکاؤنٹ پر بتایا کہ ان علاقوں میں موسلادھار بارشیں متوقع ہیں، اس لیے شہری زیادہ سے زیادہ احتیاط برتیں اور پانی کے جمع ہونے والے مقامات، وادیوں اور ڈیموں کے قریب جانے سے گریز کریں تاکہ اپنی اور دوسروں کی سلامتی یقینی بنائی جا سکے۔

دفاعِ مدنی نے بارش کے دوران حفاظتی ہدایات پر عمل کرنے اور سیلابی ریلوں کے راستے عبور کرنے سے باز رہنے کی اہمیت پر بھی زور دیا ہے۔