سعودی عرب میں معذور افراد کی پارکنگ پر 2335 گاڑیاں ضبط

سعودی عرب کے مختلف علاقوں میں محکمہ ٹریفک کی جانب سے کی گئی مہم کے نتیجے میں معذور افراد کے لیے مخصوص پارکنگ میں گاڑیاں کھڑی کرنے کی ہزاروں خلاف ورزیاں ریکارڈ کی گئیں۔ یہ کارروائیاں ٹریفک قوانین کی پاسداری اور معذور افراد کے حقوق کے تحفظ کے لیے جاری کوششوں کا حصہ ہیں۔ 

محکمہ ٹریفک نے اپنے سرکاری ایکس اکاؤنٹ پر بتایا کہ ملک بھر میں معذور افراد کے لیے مخصوص پارکنگ میں غیر قانونی طور پر کھڑی 2335 گاڑیاں ضبط کی گئی ہیں۔ یہ کارروائیاں نگرانی کی مہمات کے تحت انجام دی گئیں۔

اعرض التغريدة على منصة X

محکمہ ٹریفک نے واضح کیا کہ یہ مہمات مسلسل جاری رہیں گی اور اس کا مقصد ٹریفک قوانین کی خلاف ورزیوں کی نشاندہی کرنا ہے، جن میں معذور افراد کے لیے مخصوص پارکنگ میں غیر قانونی طور پر گاڑیاں کھڑی کرنا بھی شامل ہے۔ خلاف ورزی کرنے والوں کے خلاف قانونی کارروائی کی جائے گی۔