جازان میں شدید بارش اور سیلاب کا الرٹ، قومی موسمیاتی مرکز کی وارننگ

قومی مرکز برائے موسمیات نے آج منگل کو جازان ریجن میں درمیانے سے شدید درجے کی بارش کی پیش گوئی کی ہے، جس کے ساتھ تیز رفتار ہوائیں چلنے اور افقی حد نگاہ میں نمایاں کمی کا امکان ہے۔

مرکز کے مطابق اس موسمی صورتحال میں ژالہ باری، سیلابی ریلے اور گرج چمک کے ساتھ بجلی گرنے کے واقعات بھی پیش آ سکتے ہیں۔ یہ وارننگ جازان شہر سمیت الحرث، الدائر (بنی مالک)، الریث، العارضة، العیدابی، فیفا، ہروب، الطوال، صامطة، احد المسارحة، ابو عریش، ضمد، صبیا، بیش، الدرب، مرکز الفطیحہ اور جزیرہ فرسان کے لیے جاری کی گئی ہے۔

قومی مرکز برائے موسمیات نے مزید بتایا کہ یہ موسمی صورتحال آج رات آٹھ بجے تک برقرار رہ سکتی ہے اور شہریوں کو ہدایت کی گئی ہے کہ موسم کی تبدیلی کے دوران احتیاطی تدابیر اختیار کریں اور رہنمائی پر عمل کریں۔