جازان میں خطرہ ٹل گیا، شہری دفاع کا اعلان

سعودی شہری دفاع نے جازان میں خطرے کے خاتمے کا اعلان کیا ہے اور اس حوالے سے شہریوں اور مقیمین کو تنبیہ جاری کی ہے۔

شہری دفاع نے عوام سے اپیل کی ہے کہ وہ اپنی سلامتی کے لیے اس کی ہدایات پر عمل جاری رکھیں اور ہر صورت ہجوم یا تصویربرداری سے گریز کریں۔

ایکس پر مکمل خبر دیکھیں

اس سے قبل قومی ایمرجنسی وارننگ پلیٹ فارم نے جازان میں خطرے کے پیش نظر انتباہ جاری کیا تھا، جس کی تصدیق شہری دفاع نے بھی کی تھی۔

ادارے نے شہریوں کو ہدایت کی تھی کہ وہ پرسکون رہیں، سرکاری ہدایات پر عمل کریں، عمارتوں کے اندر رہیں اور کسی محفوظ داخلی کمرے یا ایسی جگہ جائیں جو کھڑکیوں سے دور ہو۔ خطرہ ختم ہونے تک گھر یا عمارت نہ چھوڑیں۔

رہنمائی میں یہ بھی کہا گیا تھا کہ کھلی جگہوں اور شیشے سے دور رہیں، بالکونی یا چھت پر نہ جائیں، جبکہ باہر موجود افراد کو ہدایت کی گئی کہ وہ قریبی عمارت میں داخل ہو جائیں یا کسی مضبوط دیوار کے پیچھے پناہ لیں۔

ادارے نے دوبارہ تاکید کی کہ ہجوم یا تصویربرداری سے مکمل طور پر گریز کریں اور خطرناک مقامات سے دور رہیں۔ اگر وارننگ پیغام ڈرائیونگ کے دوران موصول ہو تو سڑک کے کنارے، پلوں اور بلند عمارتوں سے دور گاڑی روکیں۔

شہری دفاع نے ہدایت کی کہ مکہ مکرمہ، مدینہ منورہ، ریاض اور مشرقی ریجن میں کسی بھی خطرے کی صورت میں ایمرجنسی نمبر (911) اور مملکت کے دیگر علاقوں میں (998) پر رابطہ کریں۔ ساتھ ہی سرکاری ذرائع سے جاری ہدایات پر عمل کرنے کی تاکید کی گئی ہے۔