مرکز شاہ سلمان برائے امداد کا غزہ میں 24,500 گرم کھانے تقسیم

مرکز شاہ سلمان برائے امداد و انسانی خدمات نے وسطی اور جنوبی غزہ میں غذائی تحفظ کو مضبوط بنانے کے لیے 24,500 گرم کھانے ضرورت مند افراد میں تقسیم کیے۔

مرکز کے ذرائع کے مطابق یہ اقدام اس کے مرکزی کچن کے ذریعے عمل میں آیا، جس سے ہدف شدہ علاقوں میں 24,500 افراد مستفید ہوئے۔

یہ اقدام سعودی عوامی مہم برائے امداد فلسطینی عوام کے تحت کیا گیا، جس کا مقصد متاثرہ خاندانوں کی بنیادی ضروریات پوری کرنا اور موجودہ انسانی بحران میں ان کے حوصلے کو تقویت دینا ہے۔

واضح رہے کہ مملکت سعودی عرب مرکز شاہ سلمان برائے امداد کے ذریعے بحران زدہ علاقوں میں سب سے زیادہ متاثرہ افراد کی امداد کا سلسلہ جاری رکھے ہوئے ہے۔