حیوانات کی صحت کیلئے معیاری چارہ خریدنے پر زور

سعودی فوڈ اینڈ ڈرگ اتھارٹی نے کہا ہے کہ جانوروں کے چارے کی حفاظت اس کے معتبر ذرائع سے انتخاب اور مناسب طریقے سے ذخیرہ کرنے سے شروع ہوتی ہے۔ اتھارٹی نے جانوروں کی صحت یقینی بنانے کیلئے رہنما ہدایات پر عمل کرنے کی ضرورت پر زور دیا ہے، یہ بیان عالمی یوم حیوانات کے موقع پر جاری کیا گیا۔

اتھارٹی نے ایکس پلیٹ فارم پر وضاحت کی کہ چارہ صرف لائسنس یافتہ فروخت مراکز سے خریدا جائے اور پروڈکٹ کی معلوماتی لیبل کی تصدیق کی جائے، جس میں جانور کی قسم، اجزاء، استعمال کا مقصد، میعاد ختم ہونے کی تاریخ اور ذخیرہ کرنے کی ہدایات شامل ہوں۔

اتھارٹی نے مزید کہا کہ چارہ زمین، کیڑے مار ادویات اور صفائی کے سامان سے دور رکھا جائے اور پیکٹ پر درج درجہ حرارت اور نمی کی ہدایات پر عمل کیا جائے تاکہ اس کی حفاظت یقینی بنائی جا سکے۔

تغریر X پلیٹ فارم پر دیکھیں