عسیر میں 80 کلوگرام قات اسمگل کرنے والے 4 غیرملکی گرفتار

عسیر کے الربوعہ سیکٹر میں بارڈر گارڈز کی زمینی گشتی ٹیموں نے چار ایتھوپیائی باشندوں کو سرحدی سکیورٹی قوانین کی خلاف ورزی اور 80 کلوگرام نشہ آور قات اسمگل کرنے کی کوشش پر گرفتار کر لیا۔

بارڈر گارڈز نے اپنے ایکس اکاؤنٹ پر بتایا کہ ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے۔

ایکس پر اصل پوسٹ دیکھیں

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوراً دیں۔ مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ منشیات کنٹرول ڈائریکٹوریٹ کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہو گی۔