قصیم و حائل میں منشیات فروشی پر 8 افراد گرفتار

سعودی محکمہ انسداد منشیات نے قصیم ریجن میں 6 شہریوں کو حشیش اور ایمفیٹامین جیسی ممنوعہ منشیات فروخت کرنے کے الزام میں گرفتار کر لیا ہے۔ ملزمان کو حراست میں لے کر ان کے خلاف قانونی کارروائی کی گئی اور انہیں پراسیکیوشن کے حوالے کر دیا گیا۔

ایکس پر اصل پوسٹ دیکھیں

اسی طرح محکمہ انسداد منشیات نے حائل ریجن میں بھی دو شہریوں کو 2.5 کلوگرام حشیش اور طبی ضابطے کے تحت آنے والی گولیوں کی فروخت کے الزام میں گرفتار کیا ہے۔ دونوں افراد کو حراست میں لے کر ان کے خلاف بھی قانونی کارروائی کی گئی اور انہیں پراسیکیوشن کے حوالے کر دیا گیا۔

سکیورٹی اداروں نے شہریوں اور مقیم افراد سے اپیل کی ہے کہ اگر انہیں منشیات کی اسمگلنگ یا فروخت سے متعلق کوئی معلومات ملیں تو وہ مکہ مکرمہ، مدینہ منورہ، ریاض اور مشرقی ریجن میں (911) اور باقی علاقوں میں (999) یا (994) پر اطلاع دیں۔ اس کے علاوہ محکمہ انسداد منشیات کے ہیلپ لائن (995) اور ای میل (Email:[email protected]) پر بھی رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔