مسجد الحرام کے مؤذن شیخ ابراہیم عادل مدنی انتقال کر گئے
مسجد الحرام کے معروف مؤذن اور مکبریہ کے رکن شیخ ابراہیم عادل مدنی 51 برس کی عمر میں انتقال کر گئے۔
اہم نکات
AIمسجد الحرام کے معروف مؤذن اور مکبریہ کے رکن شیخ ابراہیم بن عادل مدنی آج پیر کے روز 51 برس کی عمر میں انتقال کر گئے۔ انہوں نے طویل عرصے تک اذان اور تکبیرات کی خدمت انجام دی۔
شیخ مدنی مسجد الحرام کے 24 مستقل مؤذنین میں شامل تھے، جہاں روزانہ چھ مؤذن پانچوں نمازوں اور اذانِ فجر اول کے لیے باری باری اذان دیتے ہیں۔ شیخ مدنی خصوصاً اذانِ فجر اور مکبریہ سے امام کے پیچھے تکبیرات ادا کرنے کے حوالے سے شہرت رکھتے تھے۔
پہلی اذان کی یادیں اور منفرد مقام
شیخ ابراہیم مدنی نے ایک پوڈکاسٹ میں مکبریہ الحرمین کے حوالے سے گفتگو میں اپنی پہلی اذان کی یادیں تازہ کرتے ہوئے بتایا کہ جب انہوں نے پہلی بار مسجد الحرام میں اذان دی اور طواف کرنے والوں کو اپنی آواز سنتے دیکھا تو جذبات پر قابو نہ رکھ سکے اور رو پڑے۔ انہوں نے عاجزی سے کہا: "میں کون ہوں کہ میری آواز اس پاک مقام پر بلند ہو؟"
اسی گفتگو میں شیخ مدنی نے اذان دینے کے مکی اور مدنی انداز میں فرق کی وضاحت بھی کی اور دونوں کی انفرادیت پر روشنی ڈالی۔