جدہ کے جنوب میں 18 غیرقانونی گودام ضبط

جدہ میونسپلٹی نے مختلف سرکاری اداروں کے تعاون سے جنوبی جدہ کے ایک بند کمپاؤنڈ میں 18 غیرقانونی گوداموں کا سراغ لگا کر انہیں ضبط کر لیا۔ یہ کارروائی مشترکہ فیلڈ مہم کے دوران کی گئی، جس میں غیرقانونی طریقے سے اشیا اور مصنوعات کی ذخیرہ اندوزی اور ترسیل کی سرگرمیاں بھی سامنے آئیں۔

ضبط کیے گئے گوداموں میں 9 کپڑوں کے گودام، 2 شہد کی پیداوار کے، 2 فرنیچر اور موویلیا کے، ایک غذائی اشیا کا، ایک موبائل ایکسیسریز کا، ایک طبی دعووں والی مصنوعات کا اور ایک عطاری کا گودام شامل ہے۔ فیلڈ ٹیموں نے متعلقہ اداروں کے ساتھ مل کر خلاف ورزی کرنے والوں کے خلاف قانونی کارروائی شروع کر دی ہے۔

جدہ میونسپلٹی کے مطابق یہ مہم اس کی ذیلی بلدیاتی ایجنسیوں اور عمومی انتظامیہ برائے منفی رجحانات کی نگرانی میں، وزارت تجارت، جنرل اتھارٹی برائے خوراک و دوا، زکوة، ٹیکس و کسٹمز اتھارٹی، سول ڈیفنس اور فیلڈ کنٹرول کے تعاون سے انجام دی گئی۔

اعرض التغريدة على منصة X

امانت نے واضح کیا کہ ایسی مہمات کا مقصد بلدیاتی ضوابط کی پاسداری کو یقینی بنانا، خلاف ورزیوں کا سدباب اور شہریوں کی حفاظت ہے۔

انہوں نے شہریوں اور مقیمین سے اپیل کی کہ وہ کسی بھی بلدیاتی خلاف ورزی کی اطلاع "بلدی" ایپ یا متحدہ کال سینٹر (940) کے ذریعے دیں، تاکہ بروقت کارروائی اور ضوابط پر عمل درآمد کو بہتر بنایا جا سکے۔