مركز شاہ سلمان برائے امداد کا غزہ میں 24 ہزار 500 گرم کھانے تقسیم

مركز شاہ سلمان برائے امداد و انسانی خدمات کے مرکزی کچن نے وسطی اور جنوبی غزہ میں سب سے زیادہ ضرورت مند افراد میں 24 ہزار 500 گرم کھانے تقسیم کیے، جن سے اتنے ہی افراد نے استفادہ کیا۔ یہ اقدام سعودی عوامی مہم برائے فلسطینی عوام کی امداد کے تحت کیا گیا۔

یہ کوششیں سعودی عرب کے اس مستقل انسانی جذبے کی عکاس ہیں، جسے مركز شاہ سلمان برائے امداد کے ذریعے عملی جامہ پہنایا جا رہا ہے، تاکہ فلسطینی عوام کے ساتھ کھڑے ہوکر متاثرہ افراد کو بنیادی امداد اور ضروریات فراہم کی جائیں۔