مشرقی ریجن میں شدید گرمی اور گرد آلود ہوائیں، محکمہ موسمیات کی وارننگ

محکمہ موسمیات نے آج بدھ کو مشرقی ریجن میں شدید گرمی کی لہر سے خبردار کیا ہے، جہاں درجہ حرارت 47 سے 48 ڈگری سینٹی گریڈ کے درمیان رہنے کا امکان ہے اور تیز ہوائیں گرد اُڑانے کا سبب بنیں گی۔

یہ صورتحال دمام اور ظہران کے علاوہ حفر الباطن، الخفجی، النعیریہ، قریہ العلیا، الجبیل، راس تنورہ، القطیف، الخبر، بقیق، العديد، ذعبلوتن، الاحساء اور ان سے ملحقہ ہجر و دیگر مراکز میں بھی متوقع ہے۔

محکمہ موسمیات کے مطابق یہ موسمی کیفیت شام پانچ بجے تک برقرار رہے گی۔ شہریوں اور مقیم افراد کو احتیاط برتنے اور حفاظتی ہدایات پر عمل کرنے کی اپیل کی گئی ہے۔