جازان میں موسلا دھار بارش اور تیز ہواؤں کی پیش گوئی

قومی مرکز برائے موسمیات نے منگل کو جازان ریجن میں درمیانے سے موسلا دھار بارش کی پیش گوئی کرتے ہوئے خبردار کیا ہے کہ اس کے ساتھ تیز رفتار ہوائیں، حد نگاہ میں کمی، ژالہ باری، سیلابی ریلے اور گرج چمک بھی متوقع ہے۔

مرکز کے مطابق یہ انتباہ جازان شہر سمیت الحرث، الدائر (بنی مالک)، الریث، العارضہ، العیدابی، فیفا، ہروب، الطوال، صامطہ، احد المسارحة، ابو عریش، ضمد، صبیا، الدرب، بیش اور مرکز الفطیحہ پر بھی لاگو ہوگا۔

مرکز نے مزید بتایا کہ یہ موسمی صورتحال، اللہ کے حکم سے، رات نو بجے تک برقرار رہنے کا امکان ہے۔