سعودی عرب میں 9 لاکھ 77 ہزار جائیدادیں مکمل قانونی حیثیت پا گئیں

سجل عقاری کے ترجمان یزید الیحیا نے بتایا کہ ملک میں مکمل قانونی حیثیت حاصل کرنے والی جائیدادوں کی تعداد 9 لاکھ 77 ہزار تک پہنچ گئی ہے۔

انہوں نے الاخباریہ چینل سے گفتگو میں کہا کہ یہ تعداد دو ملین سے زائد جاری شدہ جائیداد رجسٹرڈ ریکارڈز میں سے تقریباً نصف کے برابر ہے۔

ان کا کہنا تھا کہ مکمل قانونی حیثیت نظامِ عینی رجسٹریشن کی سب سے نمایاں خصوصیات میں شامل ہے، جو جائیداد کی ملکیت کی سب سے اعلیٰ سطح کی تصدیق سمجھی جاتی ہے۔

انہوں نے مزید کہا کہ سجل عقاری کی جانب سے بنیادی ڈھانچے اور جیو اسپیشل سسٹم کی ترقی نے جائیداد کی رجسٹریشن کے عمل کو سہل اور تیز تر بنانے میں اہم کردار ادا کیا ہے۔