ماحولیاتی قوانین کی خلاف ورزی پر دو شہری گرفتار

خصوصی فورس برائے ماحولیاتی تحفظ نے شاہ عبدالعزیز اور امام فیصل بن ترکی ریزروز میں ماحولیاتی قوانین کی خلاف ورزی کرنے والے دو شہریوں کو گرفتار کرلیا۔ ایک شہری نے ممنوعہ علاقوں میں 80 اونٹ چرائے، جبکہ دوسرے نے بغیر اجازت کیمپنگ کی، دونوں کے خلاف قانونی کارروائی عمل میں لائی گئی۔

شاہ عبدالعزیز ریزرو میں ایک شہری کو 80 اونٹ ممنوعہ مقامات پر چرانے پر گرفتار کیا گیا۔ فورس کے مطابق، ہر اونٹ پر 500 سعودی ریال جرمانہ عائد کیا جاتا ہے۔

اعرض التغريدة على منصة X

امام فیصل بن ترکی ریزرو میں ایک اور شہری کو بغیر اجازت کیمپنگ کرنے پر گرفتار کیا گیا۔ فورس نے بتایا کہ جنگلات یا قومی پارکس میں بغیر اجازت کیمپنگ پر 3 ہزار سعودی ریال تک جرمانہ ہو سکتا ہے۔

اعرض التغريدة على منصة X

خصوصی فورس نے شہریوں سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور باقی علاقوں میں 999 یا 996 پر دیں۔

فورس نے یقین دہانی کرائی کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔