مکہ مکرمہ میں کمسن بچیوں سے زیادتی پر سعودی شہری کو سزائے موت

وزارت داخلہ نے اعلان کیا ہے کہ عائض بن عبده بن برکی عارضي، سعودی شہری، کو مکہ مکرمہ میں کمسن بچی سے زیادتی اور دیگر کمسن بچیوں کو جنسی طور پر ہراساں کرنے کے جرم میں سزائے موت دی گئی ہے۔

وزارت کے مطابق، سکیورٹی اداروں نے مجرم کو گرفتار کیا اور اسے متعلقہ عدالت میں پیش کیا گیا، جہاں اس پر عائد الزامات ثابت ہو گئے۔ جرائم کے تکرار اور سنگینی کے پیش نظر اس کے خلاف تعزیری سزائے موت کا فیصلہ سنایا گیا۔

بیان میں کہا گیا کہ یہ فیصلہ اپیل اور سپریم کورٹ کی توثیق کے بعد حتمی قرار پایا، جس پر شاہی فرمان جاری ہوا۔

سزائے موت ہفتہ، 27 جمادی الاول 1448 ہجری، بمطابق 7 نومبر 2026 کو مکہ مکرمہ میں نافذ کی گئی۔

وزارت داخلہ نے واضح کیا کہ مملکت کی حکومت انصاف، امن و امان اور شریعت کے نفاذ کے لیے پرعزم ہے اور ایسے جرائم کے مرتکب افراد کو سخت سزا دی جائے گی۔ وزارت نے خبردار کیا کہ اس نوعیت کے جرائم کرنے والوں کو شرعی سزا کا سامنا کرنا پڑے گا۔