سعودی عرب کے کئی علاقوں میں موسلا دھار بارش اور سیلاب کا امکان

محکمہ موسمیات نے اپنی آج کی موسمی رپورٹ میں پیش گوئی کی ہے کہ جازان، عسیر، الباحہ، مکہ مکرمہ، مدینہ منورہ، قصیم، ریاض اور مشرقی ریجن کے بعض حصوں میں درمیانے سے شدید درجے کی گرج چمک کے ساتھ بارشیں ہوں گی، جو سیلاب کا باعث بن سکتی ہیں۔ ان بارشوں کے ساتھ ژالہ باری اور گرد و غبار اٹھانے والی تیز ہوائیں بھی متوقع ہیں۔

محکمہ نے مزید بتایا کہ ان علاقوں کے کچھ حصوں کے علاوہ تبوک، الجوف اور شمالی سرحدی علاقے میں بھی دھند چھانے کا امکان ہے۔

بحر احمر کی صورتحال

• شمالی حصے میں سطحی ہوائیں شمال مغرب سے شمال کی سمت 20 تا 40 کلومیٹر فی گھنٹہ کی رفتار سے چلیں گی۔
• درمیانی حصے میں شمال مغرب سے جنوب مغرب کی سمت 10 تا 38 کلومیٹر فی گھنٹہ کی رفتار سے، جبکہ گرج چمک کے ساتھ بارش کے دوران یہ رفتار 60 کلومیٹر فی گھنٹہ سے تجاوز کر سکتی ہے۔
• جنوبی حصے میں جنوب مشرق سے جنوب کی سمت 15 تا 40 کلومیٹر فی گھنٹہ کی رفتار سے ہوائیں چلیں گی، جو باب المندب کی طرف 50 کلومیٹر فی گھنٹہ سے زیادہ ہو سکتی ہیں۔
• شمالی حصے میں موجوں کی بلندی ایک سے دو میٹر تک رہے گی، جبکہ درمیانی اور جنوبی حصوں میں گرج چمک کے ساتھ بارش کے دوران یہ دو میٹر سے بھی زیادہ ہو سکتی ہے۔
• شمالی حصے میں سمندر کی حالت ہلکی سے درمیانی موجوں والی، جبکہ درمیانی اور جنوبی حصوں میں گرج چمک کے ساتھ بارش کے دوران سمندر کی حالت درمیانی سے شدید موجوں والی ہو جائے گی۔

خلیج عرب کی صورتحال

• سطحی ہوائیں جنوبی مشرق سے جنوب کی سمت 15 تا 45 کلومیٹر فی گھنٹہ کی رفتار سے چلیں گی، جو بتدریج شمال مشرق سے شمال مغرب کی سمت 10 تا 30 کلومیٹر فی گھنٹہ ہو جائیں گی، اور شمالی حصے میں 50 کلومیٹر فی گھنٹہ سے زیادہ ہو سکتی ہیں۔
• جنوبی حصے میں ہوائیں جنوب مشرق سے جنوب مغرب کی سمت 10 تا 35 کلومیٹر فی گھنٹہ کی رفتار سے چلیں گی، جو 50 کلومیٹر فی گھنٹہ سے زیادہ ہو سکتی ہیں۔
• شمالی حصے میں موجوں کی بلندی ایک سے دو میٹر تک، جبکہ جنوبی حصے میں نصف میٹر سے ڈیڑھ میٹر تک رہے گی، اور دونوں حصوں میں یہ دو میٹر سے زیادہ ہو سکتی ہے۔
• شمالی اور جنوبی حصوں میں گرج چمک کے ساتھ بارش کے دوران سمندر کی حالت ہلکی سے درمیانی موجوں والی سے شدید موجوں والی ہو جائے گی۔