شمالی حدود میں ہلال احمر نے امدادی الرٹ بڑھا دیا

سعودی ہلال احمر کے شمالی حدود ریجن کے دفتر نے متوقع موسمی تغیرات کے باعث کنٹرول روم اور فیلڈ میں کام کرنے والی امدادی ٹیموں کی تیاری کی سطح بڑھا دی ہے، جبکہ اضافی امدادی ٹیمیں بھی طلب کی جا سکتی ہیں۔

ہلال احمر نے شہریوں اور مقیم افراد سے اپیل کی ہے کہ وہ سول ڈیفنس کی ہدایات پر عمل کریں اور شدید بارش یا سیلاب کے ممکنہ خطرات سے بچاؤ کے لیے ضروری احتیاطی تدابیر اختیار کریں۔ اس کے علاوہ، ٹریفک قوانین خصوصاً تیز رفتاری سے گریز اور پانی جمع ہونے والی جگہوں سے دور رہنے کی بھی ہدایت کی گئی ہے۔

ریجنل ڈائریکٹر ہلال احمر، مساعد العنزی نے بتایا کہ امدادی خدمات کے خواہشمند افراد چوبیس گھنٹے ہیلپ لائن 997 یا اسعفنی ایپ کے ذریعے رابطہ کر سکتے ہیں۔