ریاض میں ماحولیاتی قوانین کی خلاف ورزی پر 5 پاکستانی گرفتار

خصوصی فورس برائے ماحولیاتی تحفظ نے ریاض ریجن میں ماحولیاتی قوانین کی خلاف ورزی اور معدنیات کے غیر قانونی استعمال پر 5 پاکستانی باشندوں کو گرفتار کر لیا ہے۔ ان کے خلاف ضابطے کے مطابق کارروائی کی گئی ہے۔

فورس کے مطابق، موقع پر تین مشینیں بھی ضبط کی گئیں جو مٹی کی کھدائی اور نقل و حمل میں استعمال ہو رہی تھیں۔ فورس نے واضح کیا کہ خلاف ورزی کرنے والوں کے خلاف قانونی کارروائی عمل میں لائی جائے گی۔

فورس نے شہریوں سے اپیل کی ہے کہ اگر وہ ماحول یا جنگلی حیات پر کسی بھی قسم کے حملے کی اطلاع دینا چاہیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر رابطہ کریں۔ فورس نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔