گھروں میں آگ بجھانے والے آلات کی دستیابی ضروری ہے، سول ڈیفنس

سعودی سول ڈیفنس نے گھروں میں آگ بجھانے والے آلات کی دستیابی اور آگ لگنے کی صورت میں ان کے درست استعمال کے طریقے سیکھنے کی اہمیت پر زور دیا ہے، تاکہ جان و مال کا تحفظ یقینی بنایا جا سکے۔

محکمے نے واضح کیا کہ خشک پاؤڈر والے آگ بجھانے والے آلات مختلف گھریلو آتشزدگیوں سے نمٹنے میں مؤثر ثابت ہوتے ہیں اور ان کی فوری کارروائی آگ کے پھیلاؤ کو روکنے اور اس پر قابو پانے میں مدد دیتی ہے۔

سول ڈیفنس نے شہریوں سے اپیل کی ہے کہ وہ میڈیا اور سوشل میڈیا پر جاری حفاظتی ہدایات پر عمل کریں اور ہنگامی صورت میں مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 998 پر مدد کے لیے رابطہ کریں۔