آج مختلف علاقوں میں بارش، ژالہ باری اور گرد آلود ہوائیں متوقع

محکمہ موسمیات نے اپنی آج کی رپورٹ میں پیش گوئی کی ہے کہ جازان، عسیر، الباحہ، مکہ مکرمہ، مدینہ منورہ، القصیم، حائل، شمالی حدود اور مشرقی ریجن کے بعض حصوں میں گرج چمک کے ساتھ بارش، ژالہ باری اور گرد آلود تیز ہوائیں چلنے کا امکان ہے، جبکہ ان علاقوں کے کچھ حصوں میں دھند بھی چھا سکتی ہے۔

رپورٹ کے مطابق بحیرہ احمر کے شمالی حصے میں سطحی ہوائیں شمال مغربی سے شمال کی سمت 12 سے 35 کلومیٹر فی گھنٹہ کی رفتار سے چلیں گی، درمیانی حصے میں شمال مغربی سے مغربی سمت 10 سے 32 کلومیٹر فی گھنٹہ جبکہ جنوبی حصے میں جنوب مشرقی سے مشرقی سمت 12 سے 38 کلومیٹر فی گھنٹہ کی رفتار سے چلیں گی، جو باب المندب کی جانب 48 کلومیٹر فی گھنٹہ تک پہنچ سکتی ہیں۔ شمالی و درمیانی حصے میں موجوں کی اونچائی آدھے میٹر سے ڈیڑھ میٹر تک جبکہ جنوبی حصے میں آدھے میٹر سے ڈیڑھ میٹر اور باب المندب کی سمت دو میٹر سے زائد ہو سکتی ہے۔ بحیرہ احمر کی مجموعی حالت ہلکی سے درمیانی موجوں والی رہے گی، جبکہ باب المندب کی طرف موجیں بلند ہو سکتی ہیں۔

خلیج عرب میں ہوائیں شمال مغربی سے جنوب مغربی سمت چلیں گی، جو دوپہر کے بعد مشرقی سے جنوب مشرقی سمت میں 12 سے 38 کلومیٹر فی گھنٹہ کی رفتار تک پہنچ سکتی ہیں، اور شمالی حصے میں گرج چمک کے ساتھ بارش کے بادل بننے کا امکان ہے۔ جنوبی حصے میں ہوائیں شمال مغربی سے شمال مشرقی سمت 10 سے 32 کلومیٹر فی گھنٹہ کی رفتار سے چلیں گی۔ شمالی حصے میں موجوں کی اونچائی آدھے میٹر سے ڈیڑھ میٹر اور بارش کے بادلوں کے ساتھ دو میٹر سے زائد ہو سکتی ہے، جبکہ جنوبی حصے میں آدھے میٹر سے ڈیڑھ میٹر تک رہے گی۔ خلیج عرب کی مجموعی حالت ہلکی سے درمیانی موجوں والی رہے گی، تاہم بارش کے بادلوں کے ساتھ موجیں بلند ہو سکتی ہیں۔