مشرقی ریجن میں تیز ہوائیں، گرد و غبار اور ہلکی بارش کا امکان

قومی مرکز برائے موسمیات نے آج مشرقی ریجن میں تیز رفتار ہواؤں کی وارننگ جاری کی ہے، جن کی رفتار 50 سے 59 کلومیٹر فی گھنٹہ کے درمیان ہوگی اور ان کے ساتھ ہلکی بارش بھی متوقع ہے۔

یہ موسمی صورتحال دمام اور ظہران کے علاوہ حفر الباطن، نعیریہ، قریہ العلیا، خفجی، جبیل، راس تنورہ، قطیف، الخبر، بقیق، العدید، الاحساء اور ان سے ملحقہ مراکز و دیہات کو متاثر کرے گی۔

مرکز کے مطابق تیز ہواؤں کے باعث گرد و غبار اٹھنے سے شاہراہوں اور کھلے علاقوں میں افقی حد نگاہ کم ہو کر 1 سے 3 کلومیٹر تک رہ جائے گی۔

مرکز نے واضح کیا کہ یہ صورتحال آج رات 11 بجے تک برقرار رہ سکتی ہے۔