سعودی سفیر کی بیروت میں لبنانی صدر کے مشیر سے ملاقات

سعودی عرب کے سفیر فہد بن عبدالرحمن الدوسری نے آج منگل کو بیروت میں سعودی سفارت خانے میں لبنانی صدر کے قانونی و بین الاقوامی امور کے مشیر ڈاکٹر انطوان صفیر سے ملاقات کی۔

ملاقات میں لبنان اور خطے کی تازہ ترین صورتحال پر تبادلہ خیال کیا گیا، جبکہ دونوں ممالک کے باہمی دلچسپی کے متعدد امور بھی زیر بحث آئے۔

اسی تناظر میں دونوں فریقین نے علاقائی و بین الاقوامی معاملات پر مشاورت اور رابطے کے تسلسل کی اہمیت پر زور دیا۔