کل سے ابشر پر منفرد نمبر پلیٹس کی نیلامی شروع

سعودی محکمہ ٹریفک کل اتوار سے ان افراد کے لیے منفرد نمبر پلیٹس کی آن لائن نیلامی کی سہولت فراہم کر رہا ہے جو یہ پلیٹس حاصل کرنا چاہتے ہیں۔ یہ سروس ابشر پلیٹ فارم پر 'الیکٹرانک نمبر پلیٹس نیلامی' کے ذریعے دستیاب ہوگی۔

صارفین ابشر پلیٹ فارم پر لاگ ان ہو کر 'میری سروسز'، پھر 'ٹریفک' اور اس کے بعد 'الیکٹرانک نمبر پلیٹس نیلامی' کا انتخاب کر کے نیلامی میں حصہ لے سکتے ہیں۔ اس کے بعد وہ اپنی گاڑی کی پلیٹس کی قسم منتخب کر کے دستیاب آپشنز دیکھ سکتے ہیں اور آن لائن بولی لگا سکتے ہیں۔

محکمہ ٹریفک نے منفرد نمبر پلیٹس کے خواہشمند افراد سے کہا ہے کہ وہ اس سہولت سے فائدہ اٹھائیں اور نیلامی میں حصہ لیں، جس کے ذریعے تمام مراحل ابشر پلیٹ فارم پر ہی مکمل کیے جا سکتے ہیں اور انہیں ذاتی طور پر حاضر ہونے کی ضرورت نہیں ہوگی۔