سعودی عرب کو یورینیم وسائل سے فائدہ اٹھانے سے روکنے کے مطالبات غیر منطقی ہیں
تیل و توانائی کے ماہر ڈاکٹر محمد الصبان نے کہا ہے کہ سعودی عرب کو یورینیم وسائل سے فائدہ اٹھانے اور اس شعبے میں ترقی سے روکنے والے مطالبات غیر منطقی ہیں۔
اہم نکات
AIتیل و توانائی کے ماہر ڈاکٹر محمد الصبان نے کہا ہے کہ سعودی عرب کو یورینیم کے وسائل سے فائدہ اٹھانے اور اس شعبے میں اپنی صلاحیتیں بڑھانے سے روکنے والے مطالبات غیر منطقی ہیں۔
ڈاکٹر الصبان نے الاخباریہ چینل سے گفتگو میں مزید کہا کہ وزیر توانائی شہزادہ عبدالعزیز بن سلمان کی جانب سے جو نکات ایٹمی توانائی ایجنسی کی کانفرنس میں پیش کیے گئے وہ جامع تھے اور انہوں نے سعودی عرب کا مؤقف مختلف توانائی ذرائع خصوصاً پرامن ایٹمی توانائی کے حوالے سے واضح طور پر بیان کیا۔
انہوں نے کہا کہ جب سعودی عرب نے امریکہ کے ساتھ ایٹمی توانائی کے استعمال کے شعبے میں تعاون کی خواہش ظاہر کی تو کچھ غلط فہمیاں پیدا ہوئیں جو ریاض اور واشنگٹن کے درمیان اس تعاون میں رکاوٹ بننے کے قریب تھیں۔
تیل و توانائی کے ماہر نے مزید کہا کہ سعودی عرب سیاسی اور فنی مطالبات میں فرق کرتا ہے اور اس کے پاس دنیا کے یورینیم کے ذخائر کا 5 فیصد موجود ہے، اس لیے یہ مناسب نہیں کہ وہ خام یورینیم برآمد کرے تاکہ اسے بیرون ملک افزودہ کیا جائے۔
ایکس پر مکمل خبر دیکھیں