یمن کا سعودی عرب سے اظہار یکجہتی، حوثی حملوں کے خلاف عالمی اقدام کا مطالبہ

یمنی حکومت نے ایک بار پھر سعودی عرب کے ساتھ اپنے مضبوط یکجہتی کے عزم کا اعادہ کرتے ہوئے کہا ہے کہ وہ مملکت کی خودمختاری اور حرمین شریفین کے تحفظ کے حق کی مکمل حمایت کرتی ہے۔

حکومت نے واضح کیا کہ حوثی ملیشیا کی حالیہ جارحیت اس گروہ کے خطرناک عزائم کو ظاہر کرتی ہے، خاص طور پر جب انہیں ایرانی حمایت حاصل ہے جو خطے میں اپنے مقاصد کے لیے سرگرم ہے۔

یمنی حکومت نے حوثی ملیشیا اور ان کے پشت پناہ ایرانی نظام کو سعودی عرب پر حملوں کا ذمہ دار قرار دیا ہے۔

اسی تناظر میں یمن نے عرب، اسلامی اور عالمی برادری سے مطالبہ کیا ہے کہ وہ حوثی حملے روکنے اور اس گروہ کو اسلحہ کی فراہمی بند کرنے کے لیے ٹھوس اور مشترکہ موقف اختیار کریں۔