بدھ سے خزاں کا آغاز، بارش کے امکانات بڑھیں گے

موسمیات اور موسمی تبدیلیوں کے ماہر عبدالعزیز الحصینی نے کہا ہے کہ آئندہ بدھ 23 ستمبر کو شمالی نصف کرے میں خزاں کا اعتدال شروع ہو جائے گا۔

انہوں نے اپنے ایکس اکاؤنٹ پر بتایا کہ اس روز سورج خط استوا پر عمودی ہوگا اور دن و رات کا دورانیہ برابر ہو جائے گا۔ انہوں نے مزید کہا کہ فلکیاتی اعتبار سے خزاں کا موسم 89 دن اور 20 گھنٹے جاری رہے گا، جو 21 دسمبر کو سرمائی انقلاب تک برقرار رہے گا۔

الحصینی کے مطابق خزاں کے دوران بارش کے امکانات بڑھ جاتے ہیں اور درجہ حرارت میں کمی آتی ہے۔ اسی موسم میں سال کے خوبصورت ترین دن 'الوسم' بھی آتے ہیں۔