ریاض میں فوڈ ٹرکوں پر وسیع پیمانے پر نگرانی، 69 گاڑیاں ضبط

امانتہ ریاض نے شمالی ریاض کے شعبے اور بلدیاتی کمپلائنس پروگرام "مثل" کے تعاون سے فوڈ ٹرکوں پر وسیع پیمانے پر نگرانی مہم چلائی، جس کے نتیجے میں صحت اور انتظامی ضوابط کی خلاف ورزی پر 69 گاڑیاں ضبط کی گئیں۔

یہ نگرانی مہم ان مقامات پر چلائی گئی جہاں فوڈ ٹرکوں کی تجارتی سرگرمیاں زیادہ ہیں۔ اس کا مقصد صارفین کو فراہم کی جانے والی اشیاء اور خوراک کی حفاظت کو یقینی بنانا اور موسم گرما کے دوران صحت عامہ کا تحفظ کرنا ہے۔

امانتہ ریاض صحت عامہ کے فروغ، ضوابط اور صحت کے اصولوں پر عمل درآمد کے لیے اپنی نگرانی جاری رکھے ہوئے ہے، تاکہ ریاض کو ایک خوشحال، پائیدار اور معیاری زندگی والا شہر بنانے کے اپنے وژن کو عملی جامہ پہنایا جا سکے۔