جازان میں شہری گرفتار، ایک لاکھ 79 ہزار سے زائد ممنوعہ گولیاں برآمد

انسداد منشیات کے جنرل ڈائریکٹوریٹ نے جازان ریجن میں ایک شہری کو ایک لاکھ 79 ہزار 925 ایسی گولیاں فروخت کرنے کے الزام میں گرفتار کیا ہے جو طبی ضابطے کے تحت آتی ہیں۔

انسداد منشیات کے ادارے نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔

ایکس پر مکمل خبر دیکھیں

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور مشرقی ریجن میں (911) اور دیگر علاقوں میں (999) یا (994) پر رابطہ کریں۔ انسداد منشیات کے ڈائریکٹوریٹ کا ہیلپ لائن نمبر (995) ہے، جبکہ ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ لی جائیں گی اور اطلاع دینے والے پر کوئی ذمہ داری عائد نہیں ہوگی۔