ریاض پولیس نے منشیات فروشی میں ملوث 5 شہری گرفتار کر لیے

ریاض پولیس نے جمعرات کو اعلان کیا ہے کہ پانچ سعودی شہریوں کو حشیش اور میتھ ایمفیٹامین (شبو) جیسی منشیات اور طبی ضابطے کے تحت آنے والی گولیوں کی فروخت میں ملوث ہونے پر گرفتار کر لیا گیا ہے۔ پولیس کے مطابق ملزمان کو حراست میں لے کر ان کے خلاف قانونی کارروائی مکمل کی گئی، جس کے بعد انہیں متعلقہ ادارے کے حوالے کیا جائے گا۔

سعودی پبلک سکیورٹی نے وضاحت کی کہ سکیورٹی اداروں نے ملزمان کو گرفتار کرتے ہی قانونی کارروائی کا آغاز کیا، انہیں حراست میں لے کر تمام ضروری اقدامات مکمل کیے جا رہے ہیں، تاکہ انہیں متعلقہ ادارے کے سپرد کیا جا سکے۔

اعرض التغريدة على منصة X

پبلک سکیورٹی نے شہریوں اور مقیم افراد سے اپیل کی ہے کہ منشیات اسمگل کرنے یا فروخت کرنے والوں کی اطلاع مکہ مکرمہ، مدینہ منورہ، ریاض اور مشرقی ریجن میں 911 پر، جبکہ مملکت کے دیگر علاقوں میں 999 پر دیں۔ اس کے علاوہ جنرل ڈائریکٹوریٹ آف نارکوٹکس کنٹرول کے نمبر 995 پر بھی اطلاع دی جا سکتی ہے۔ پبلک سکیورٹی نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا۔