مصر اور سعودی عرب کے تعلقات ہر سطح پر بہترین ہیں، وزیر خارجہ

مصری وزیر خارجہ بدر عبد العاطی نے کہا ہے کہ ان کے ملک اور سعودی عرب کے تعلقات ہر سطح پر نہایت عمدہ ہیں۔

ریاض کے دورے پر موجود وزیر خارجہ نے العربیہ سے گفتگو میں کہا کہ سعودی اور مصری قیادت اور عوام کے درمیان تعلقات بھی بہت منفرد اور مضبوط ہیں۔

مصری صدر عبدالفتاح السیسی نے واضح کیا ہے کہ مصر کی فوجی کوششیں صرف سعودی عرب کی سرزمین اور سرحدوں کے دفاع تک محدود ہیں اور کسی بھی صورت میں یمن پر حملے کا ارادہ نہیں ہے۔

السیسی نے یہ بھی کہا کہ عرب قومی سلامتی ناقابل تقسیم ہے اور خلیجی ممالک کا استحکام مصر کی قومی سلامتی سے جڑا ہوا ہے۔ انہوں نے اس بات پر زور دیا کہ اگر کسی عرب ملک نے درخواست کی تو مصر اس کی سرزمین کا دفاع کرے گا۔