سعودی و سوئس اٹارنی جنرلز کا عدالتی تعاون پر تبادلہ خیال

سعودی اٹارنی جنرل اور مجلسِ نیابت عامہ کے سربراہ ڈاکٹر خالد بن محمد الیوسف نے سوئٹزرلینڈ کے دارالحکومت برن میں سوئس فیڈرل اٹارنی جنرل ڈاکٹر اسٹیفان بلاتر سے ملاقات کی۔

اس دو طرفہ اجلاس میں دونوں ممالک کی نیابت عامہ کے درمیان تعلقات مضبوط بنانے اور سعودی عرب و سوئٹزرلینڈ کے عدالتی تعاون کے مختلف پہلوؤں پر تبادلہ خیال کیا گیا۔

دونوں جانب سے اس بات پر زور دیا گیا کہ بین الاقوامی تجربات کا تبادلہ اور بہترین عدالتی طریقہ کار سے استفادہ عدالتی نظام کی بہتری اور اس کی کارکردگی میں اضافے کے لیے اہم ہے۔

یہ دورہ سعودی نیابت عامہ کی جانب سے بین الاقوامی اداروں سے روابط مضبوط بنانے اور مشترکہ تعاون کو فروغ دینے کی کوششوں کا حصہ ہے۔