سعودی عرب کے 6 علاقوں میں شدید بارشوں اور سرخ الرٹ کی وارننگ

سعودی محکمہ دفاع مدنی نے خبردار کیا ہے کہ مملکت کے چھ علاقوں میں شدید بارشیں متوقع ہیں، جن میں ریاض، مشرقی علاقہ، باحہ، مکہ مکرمہ، جازان اور عسیر شامل ہیں۔ یہ انتباہ قومی مرکز برائے موسمیات کی جانب سے جاری کردہ سرخ الرٹ کے بعد جاری کیا گیا ہے۔

دفاع مدنی نے شہریوں اور مقیم افراد سے اپیل کی ہے کہ بارش کے دوران احتیاط برتیں، متعلقہ اداروں کی ہدایات پر عمل کریں اور اپنی حفاظت کے لیے پانی کے جمع ہونے والے مقامات، وادیوں اور ڈیموں سے دور رہیں۔