تعلیم اور صحت کو بجٹ میں اولین ترجیح حاصل ہے: ولی عہد

ولی عہد اور وزیراعظم شہزادہ محمد بن سلمان بن عبدالعزیز نے کہا ہے کہ ریاست کی تمام کوششوں کا بنیادی مقصد وطن کی ترقی، خوشحالی اور شہریوں کی معیارِ زندگی کو بہتر بنانا ہے۔ ان کے مطابق تعلیم اور صحت کے شعبے ہماری مستقل توجہ کا مرکز ہیں اور انہیں ریاستی بجٹ میں اولین ترجیح دی گئی ہے۔ تعلیم کے نئے نظام کا فیصلہ اس لیے کیا گیا ہے تاکہ تعلیمی معیار کو عالمی سطح پر بلند کیا جا سکے، جبکہ صحت کے شعبے میں تیز رفتار اصلاحات جاری ہیں تاکہ شہریوں کو معیاری اور جامع طبی سہولیات فراہم کی جا سکیں۔

شہزادہ محمد بن سلمان نے خادم الحرمین الشریفین شاہ سلمان بن عبدالعزیز کی جانب سے سالانہ شاہی خطاب بھی پیش کیا۔

انہوں نے مزید کہا کہ "بیروزگاری کی شرح میں کمی کے ساتھ ہم انسانی وسائل میں سرمایہ کاری کر رہے ہیں، تاکہ شہریوں کو روزگار کے مزید مواقع میسر آئیں اور وہ ہر شعبے میں مقابلہ اور امتیاز حاصل کر سکیں، تاکہ وہ ترقی کے عمل میں بنیادی کردار ادا کریں۔"