سعودی عرب کی کولمبیا کے گولان پر اسرائیلی خودمختاری کے اعتراف کی مذمت

سعودی عرب نے کولمبیا کی حکومت کی جانب سے مقبوضہ شامی گولان پر اسرائیلی ریاست کی خودمختاری کے اعتراف کی شدید مذمت کی ہے اور اس اقدام کو بین الاقوامی قانون اور متعلقہ عالمی قراردادوں کے منافی قرار دیا ہے۔

وزارت خارجہ نے واضح کیا کہ کولمبیا کا یہ اعتراف اقوام متحدہ کے قوانین، خصوصاً سلامتی کونسل کی قرارداد نمبر 497 (سن 1981) کی کھلی خلاف ورزی ہے، جس میں اسرائیلی ریاست کی جانب سے مقبوضہ شامی گولان پر اپنے قوانین، دائرہ اختیار اور انتظامیہ کے نفاذ کو کالعدم اور غیر قانونی قرار دیا گیا تھا۔

سعودی عرب نے زور دیا کہ ایسے اقدامات خطے میں امن کے قیام میں معاون نہیں بلکہ مقبوضہ شامی گولان سے متعلق عالمی موقف سے انحراف اور امر واقعہ کو مسلط کرنے کی کوشش ہیں، جو خطے میں امن کی کوششوں کو نقصان پہنچاتی ہیں۔

اعرض التغريدة على منصة X

سعودی عرب نے اپنے اصولی موقف کا اعادہ کیا کہ گولان ایک مقبوضہ عرب شامی علاقہ ہے اور اس کی قانونی حیثیت تبدیل کرنے کی کوئی بھی کوشش نہ تو کوئی حق پیدا کرتی ہے اور نہ ہی اسے قانونی جواز فراہم کرتی ہے۔

سعودی عرب نے کولمبیا کی حکومت سے مطالبہ کیا کہ وہ اپنے اس فیصلے پر نظرثانی کرے، بین الاقوامی قانون اور عالمی قراردادوں کی پاسداری کرے اور خطے میں پائیدار اور منصفانہ امن، سلامتی اور استحکام کے لیے جاری کوششوں کی حمایت جاری رکھے۔