ممنوعہ علاقے میں اونٹ چرانے پر شہری گرفتار

خصوصی فورس برائے ماحولیاتی تحفظ نے ایک شہری کو ماحولیاتی قوانین کی خلاف ورزی پر اس وقت گرفتار کیا جب اس نے شاہ عبدالعزیز رائل ریزرو کے ممنوعہ علاقوں میں 10 اونٹ چرائے۔ اس کے خلاف قانونی کارروائی عمل میں لائی گئی۔

فورس نے واضح کیا کہ اونٹ چرانے کی خلاف ورزی پر فی اونٹ 500 سعودی ریال جرمانہ عائد کیا جائے گا۔ فورس نے شہریوں پر زور دیا کہ وہ ماحول یا جنگلی حیات کے تحفظ میں کسی بھی خلاف ورزی کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔