ریاض میں مقامی لکڑی فروخت کرنے والا شہری گرفتار

ریاض ریجن میں خصوصی روڈ سکیورٹی فورس نے ایک شہری کو ماحولیاتی قوانین کی خلاف ورزی پر اس وقت گرفتار کیا جب اس کے پاس مقامی لکڑی فروخت کے لیے موجود تھی۔ ضبط شدہ لکڑی کو متعلقہ ادارے کے سپرد کر دیا گیا۔

یہ کارروائی وزارت داخلہ کی جانب سے شہروں، قصبوں اور مختلف علاقوں کو ملانے والی شاہراہوں پر مقامی کوئلہ اور لکڑی کی غیر قانونی خرید و فروخت کی نگرانی کے سلسلے میں کی گئی۔ اس حوالے سے مختلف پلیٹ فارمز پر غیر قانونی تشہیر پر بھی نظر رکھی جا رہی ہے۔

عوامی سلامتی کے ادارے نے شہریوں سے اپیل کی ہے کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں (911) اور مملکت کے دیگر علاقوں میں (996) یا (999) پر اطلاع دیں۔