پہلی جماعت کے طلبہ کی فٹنس جانچ کا مقصد صحت کا جائزہ ہے

وزارت صحت میں پرائمری ہیلتھ کیئر کے نگران ڈاکٹر امجد الفالح نے کہا ہے کہ پہلی جماعت کے طلبہ کے لیے فٹنس ٹیسٹ کا مقصد ان کی جسمانی اور ذہنی صحت کا جائزہ لینا اور تعلیمی ماحول کے لیے ان کی تیاری کو یقینی بنانا ہے۔

انہوں نے الاخباریہ چینل سے گفتگو میں مزید کہا کہ فٹنس ٹیسٹ اسکول ہیلتھ کے اہم معائنے میں شامل ہے اور اس کے ذریعے نئے طلبہ کی مجموعی صحت کا مکمل جائزہ لیا جاتا ہے۔

ڈاکٹر الفالح کے مطابق اس معائنے میں گفتگو، سماعت، بینائی، طبی تاریخ اور ویکسینیشن کی تکمیل سمیت مختلف پہلوؤں کا احاطہ کیا جاتا ہے۔ یہ صحت کے اہم ترین معائنوں میں سے ہے اور پہلی جماعت میں داخلے کے لیے ضروری ہے۔

انہوں نے واضح کیا کہ اس معائنے کے ذریعے عمومی صحت کا جائزہ لیا جاتا ہے اور مختلف مراحل میں جسمانی و نفسیاتی مسائل کی نشاندہی کی جاتی ہے۔

اعرض التغريدة على منصة X