سعودی عرب کے 9 علاقوں میں کل بارش اور ژالہ باری کی پیش گوئی

قومی مرکز برائے موسمیات نے پیش گوئی کی ہے کہ کل جمعرات کو مختلف علاقوں میں گرج چمک کے ساتھ بارش، ژالہ باری اور تیز ہوائیں چلنے کا امکان ہے جو گرد و غبار کا باعث بن سکتی ہیں۔

مرکز نے اپنے ایکس اکاؤنٹ پر بتایا کہ یہ صورتحال جازان، عسیر، باحہ، مکہ مکرمہ، مدینہ منورہ، قصیم، حائل اور شمالی حدود کے کچھ حصوں میں متوقع ہے۔

اسی طرح مشرقی ریجن کے بعض علاقوں میں بھی بارش کا امکان ہے جبکہ ان علاقوں میں کہیں کہیں دھند بھی چھا سکتی ہے۔