ریاض میں مقامی لکڑی منتقل کرنے پر شہری گرفتار

ریاض میں ماحولیاتی تحفظ کے لیے قائم خصوصی فورسز نے ایک شہری کو 5 مکعب میٹر مقامی لکڑی منتقل کرنے پر گرفتار کیا ہے، جو ماحولیاتی نظام کی خلاف ورزی ہے۔

فورسز کے مطابق، مذکورہ شہری کے خلاف قانونی کارروائی عمل میں لائی گئی اور ضبط شدہ لکڑی متعلقہ ادارے کے حوالے کر دی گئی۔

فورسز نے مزید بتایا کہ مقامی لکڑی یا کوئلہ منتقل کرنے پر فی مکعب میٹر 16,000 سعودی ریال تک جرمانہ عائد ہو سکتا ہے۔

خصوصی فورسز نے شہریوں سے اپیل کی ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور باقی علاقوں میں 999 یا 996 پر دیں۔ فورسز نے یقین دہانی کرائی کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔