ریاض میں ٹریفک قوانین کی خلاف ورزی کرنے والا ٹرک ڈرائیور گرفتار

ریاض ریجن میں جنرل ڈائریکٹوریٹ آف ٹریفک نے ایک ٹرک ڈرائیور کو گرفتار کیا ہے جو ایک ویڈیو میں متعدد ٹریفک خلاف ورزیاں کرتے ہوئے دکھائی دیا۔ ان خلاف ورزیوں میں سڑک پر مخصوص لینز کی پابندی نہ کرنا، فٹ پاتھ پر گاڑی چلانا اور گاڑیوں کے درمیان تیز رفتاری سے خطرناک انداز میں ڈرائیونگ کرنا شامل ہیں۔ مذکورہ ڈرائیور کے خلاف قانونی کارروائی عمل میں لائی گئی ہے۔

ٹریفک پولیس نے خبردار کیا ہے کہ عام سڑکوں پر گاڑیوں کے درمیان تیز رفتاری سے مڑنا انتہائی خطرناک عمل ہے، اور واضح کیا کہ 'لین کی پابندی سے ہی حفاظت یقینی بنتی ہے'۔

ٹریفک ڈپارٹمنٹ نے پلیٹ فارم 'ایکس' پر کہا کہ 'گاڑیوں کے درمیان تیز رفتاری سے مڑنا ٹریفک قوانین کی خلاف ورزی ہے اور یہ سڑک استعمال کرنے والوں کی سلامتی کو خطرے میں ڈالتا ہے'۔

ادارے نے مزید کہا کہ 'ایسا رویہ ٹریفک حادثات کے امکانات میں اضافہ کرتا ہے اور گاڑی پر کنٹرول میں بھی دشواری پیدا کرتا ہے'۔

اعرض التغريدة على منصة X