اسکول بس ڈرائیورز کے لیے 6 اہم حفاظتی ہدایات جاری

سعودی محکمہ ٹریفک نے اسکول بس ڈرائیور یا اس کے معاونین کو طلبہ کی حفاظت سے متعلق تمام ہدایات اور رہنما اصولوں پر عمل کرنے کی سختی سے تاکید کی ہے۔

محکمہ ٹریفک کے مطابق اہم ترین ہدایات میں یہ شامل ہے کہ روانگی سے قبل تمام طلبہ کے سوار یا اترنے کی تصدیق کی جائے، اور یہ عمل بس کے دائیں جانب سے ہی انجام دیا جائے۔

مزید کہا گیا ہے کہ بس کا دروازہ صرف مکمل طور پر رکنے کے بعد ہی کھولا جائے، سفر کے دوران اندرونی حفاظت کی نگرانی کی جائے، اور روانگی سے پہلے دروازہ اچھی طرح بند کیا جائے۔

ایکس پر مکمل خبر دیکھیں

اسی حوالے سے محکمہ ٹریفک نے طلبہ کے سوار یا اترنے کے وقت 'رکیں' کا اشارہ استعمال کرنے کی اہمیت پر بھی زور دیا ہے، تاکہ نقل و حمل کے دوران حفاظتی اقدامات مزید مؤثر بنائے جا سکیں۔